هرقل - مش هقول عاشقاه
- شارة
- Jul 9, 2020
- 1 min read
Updated: Aug 3, 2020
لو كان في جايزة للعباطة
أنا خذت الجايزة دي مرات
ما فيش راجل يستاهل حبي
دا حكاية قديمة بزيادة
حكاية
- إنتِ بتخدعي قلبك
روحك فيه على مين راح تخفي؟
مهما تداري في حبك
شايفين قلبك دا واللي فيه
مهما تخبي يا حلوة
عارفين معنى الغنوة دي
واللي شاغلك مين؟
آه
كلام أحلام لا مش هنطق لا لا
تناهيد هيام
قلب بيعشق يا حلوة
كلام أحلام .. لا مش هنطق أنا لاا
خلاص الدرس دا تعلمته
ودا الحب في بدايته
عقلي بيصرخ أنسى اللي حلمته
ما في حلم إلا ومخيف في نهايته
ليه مصرة تكابري؟
وإنتِ عيونك أهي معترفة
مهما يا روحي تخبي
احنا قلوبنا شايفة وعارفة
واجهي الأمر بحكمة
وانطقي يلا الكلمة وقولي
آه آه فعلًا آه
كلام أحلام لا مش هنطق لا لا
هوَ دا الحب!
بسمتك بتقول عاشقاه
أوهام.. لا لا مش هقول عاشقاه لا
هيمانة فيه بتحبيه ورايداه
كلام تخريف مش هنطقها لا
ايوا إنتِ عاشقاه
بلاش تأليف مش هنطقها لا
ما تخافيش لا دا الغرام يا ما أحلاه
آه بيني وبينكو
أنا دايبة
في هواه
غناء : جيهان الناصر (منفردة) - إيمان حسني - هدى أحمد - أمل إبراهيم - أميرة الناصر
كلمات : بهاء جاهين
إخراج الغناء : جيهان الناصر
Comentários