عايز تبقى بطل يا حبيبي؟ يا سلام!
ياما مروا عليَّ كثير زيك أيام تنطح أيام
كل واحد فيهم أكبر نايبة
آخ جالي صداع أبطال خايبة
آدي يا سيدي أسبابي
وابن زيوس قال على بابي
قال إيه عايزني أقع في الخيّة
أنا ردي في كلمتين
أوكيه
- يعني موافق؟
- أيوه
- مش هتندم يا فل
- يارب
- نبتدي امتى؟ نبتدي دلوقتي؟
- عادي
ضاع أملي خلاص أعترف إنك موهوب
الناس ترمي على راسه زهور مش طوب
ويجيب لي جوايز، من النوع الفايز
لأ أنا مش عايز أحلام وأفطر على بصل
سلمت خلاص نمري وجرجت يا ناس
وعملت جنينة أزرع فيها فجل وقلقاس
وإنتَ عامل ناصح
قال إيه واد فالح
على فين دا رايح؟
أنا رحت
أملي الأخير إنتَ يا صغير السن
مع إنك يعني مانتاش قوي واد جن
دربت بلاوي عقلي لحسوه
واهو دا الأمل اللي فاضل لي يا ناس يا هو
قاعدة رقم 6 لما تنقذ آنسة عاملها بمنتهى الرقة
قاعدة رقم 95 يا ابني ركز
قاعدة رقم 96 نشّن
ياما رجال عملهم أبطال
وطلعوا عيال عايزين دادات
أوعى تصدق اللي اتقال
دي حواديت يا ابني وحكايات
يا ابني البطولة دي صنعة سوقها بار
زي التحفة الفنية عايزة القلب الحار
مش عضلات ومجانص
أكبر من كدا خالص
في ضميرك غايص في الروح
أيوا كدا أحسن يا بطل
دلوقتي أملي فيك ورهاني عليك
قبل ما اتوكل وانزل عند حادس بيك
ورينا الهمّة، أحلامي في إيديك
اغلب كل الصعب
كدا حط الجون بالكعب
خليك بطل الشعب
وفرّح قلبي بيك
غناء : فيصل خورشيد
كلمات : بهاء جاهين
إخراج الغناء : جيهان الناصر
Comments