كتاب الأدغال - أهم شيء

- هيعيش معايا وأعلمه كل اللي أعرفه

- الحكاية دي مش لازم تاخد وقت

- بص المسألة دي في غاية البساطة

وكل المطلوب منك هوَّ..

تسألني..

ايه أهم شيء للدب أو ألذ شيء

علشان خاطرك راح أقولك سر جديد

وأحكيلك..

عن أهم شيء في حياتي اسمعني واستفيد

الدِب يكون مبسوط أوي وسعيد

ما بين الطبيعة ذات الجلال

كأنه نحلة بين الأزهار

فرحانة برزقها الحلال

اللي في منتهى الجمال

آه لو كنت أقدر

أرسم منظر

يا سلام

سحر الطبيعة دا صحيح

شيء خطير

- إنتَ بتاكل نمل؟

- آه

- أهي دي الأوبهة

اللي احنا نحبها

- بس إمتى؟

- ما تقولش ليه

واسألني..

تعشق إيه كمان؟

أقولك فاكهة الغابات

وده أبسط ما نحتاج يا ابن الحلال

اتفرج.. عالموزاية دي

طعمها شيء ماهوش عادي

اقطف ودوق من الشجرة دي.. ودي

اقطف دي بالراحة

بشويش يا عم

أهي جرحت إيديك

المرة الجاية ابقى اهتم

بلاش الطريقة بتاعت زمان

خد بالك اقطفها كده بحنان

اطلع والدب انزل والدب

تلاقي الدب يقزقز دب

مش أنا قلت لك؟

- أيوا شكرًا يا بالو

- آه يادي.. يا سلام على تعليمك العبيط

- يلا يا مغرور غني معانا

أهم حاجة في الدنيا تبقى إيه؟

- أعيش في الغابة

- الله عليك

إيه رأيك تهرش لي في كتفي الشمال وإنت فوق كده يا موغلي؟

أيوه شوي لتحت.. أيوه مزبوط، في الحتة دي.. هايل

شيء جميل.. آه يا سلام

وإن كنت كسول فأنا مش مسؤول

ولو همام ما تقولش كلام

فرجنا هتعمل إيه

دي أهم حاجة في الدنيا يا اسمك إيه

- لا أنا زهقت خلاص.. ياليت حظه يطلع حلو

- ماوغلي، إيه رأيك تغني؟

تسألني..

ايه أهم شيء للدب أو ألذ شيء

علشان خاطرك راح أقولك سر جديد

- قول قول

وأحكيلك..

عن أهم شيء في حياتي اسمعني واستفيد

في الجو الطلق وهم الدنيا بعيد

الدب يكون مبسوط أوي وسعيد

---

غناء : علي البحيري - كريم الحسيني

كلمات : شامخ الشندويلي

إخراج الغناء : جيهان الناصر

---