الأميرة والضفدع - قربت خلاص
- شارة
- Jul 27, 2020
- 1 min read
Updated: Aug 3, 2020
يا ماما أنا ماعنديش وقت للكلام دا
كله دا حيستنى شوية
وما عنديش وقت للهزار
وهي دي القضية
الحياة بتفوت قوام
ممكن نلقى العمر فات
أما أنا عارفة عاوزة إيه
ورايحة خطوة بخطوة كل يوم
ودا مش بعيد قربت خلاص
الناس بتقول مجنونة ما يهمنيش
إحباط وكوارث ما تعطلنيش
مافيش حاجة حتوقفني لا
عشان قربت خلاص
أنا فاكرة بابا قال لي
بكرة نحقق الأحلام
لو فضلتِ تحاولي
وهوَ دا الكلام
دا كل يوم عدّا اشتغلت فيه
وتعبت ودلوقتي بقول
حكمل مشواري
كله يوسع دي الأصول
ودا مش بعيد قربت خلاص
بكرة الناس تيجي هنا بالميات
ما قربت خلاص
قربت خلاص
حتى لو كان فيه مشاكل
لا دي ما تعطلنيش
دانا عدّيت جبال وتخطيت بحار
وقربت خلاص
قربت خلاص
أيوا خلاص
غناء : جاكلين رفيق
كلمات : زينب مبارك
إخراج الغناء : ناير ناجي
Comments