الأسد الملك - مقدرش أصبر لما أبقى ملك

أنا هبقى ملك جبار

احترسوا يا أعداء

- كل دا جد دا ولا هزار

ولا خطأ إملاء؟

- هبقى ملك فوق العادة

ما جابتنيش ولّادة

أزأر في الفيل يترقص

ويقول كله إلا دا!

- آه دا عيل يلزمه دادا

وزئيره مالوش تأثير

- مقدرش أصبر لما أبقى ملك

- بقولك إيه! لسه كثير على أحلامك دي

- ما تقوليش لأ

- أنا بقول لأ

- كلمته هو الحق

- أنا أقصد..

- واحد زيي خطير

- بس إنتو تعرفوا..

- مش محتاج لوزير

- لأ دا كثير!

- تمشي الدنيا على هوايا

- مفيش كلام من دا

- أنا الأول والكل ورايا

- أعتقد إن الوقت قد حان

وحأقولهالك بصراحة

- بصراحة أنت مرستان

وكفاية جدل وتناحة

- لو كان دا أسلوبك لعلمك هاستقيل

هاطفش من كل عيوبك خلاص فاض بيا الكيل

دا إنتَ يادوبك عيل لسانه طويل

- مقدرش أصبر لما أبقى ملك

- كله يبص شمال

كله يبص يمين

وأنا تحت الأضواء

حيّوني يا حلوين

- مش دلوقتي

- بالروح والدم يا حبيب الملايين

زعيم قائد هنلاقي زيك فين؟

زيك مفيش في الدنيا دي إثنين

- مقدرش أصبر لما أبقى ملك

مقدرش أصبر لما أبقى ملك

مقدرش أصبر لما أبقى ملك

---

غناء : كريم الحسيني - عادل خلف

كلمات : عبدالرحمن شوقي

---