كل يوم باريس تقوم على صوت أجراس نوتردام
حليب يا لبن صباح يا عيش على أجراس نوتردام
على صوت أجراس ضخمة تجلجل
على صوت أجراس ناعمة تنام
قلب المدينة يدق ينادينا بأجراس نوتردام
بأجراس نوتردام
اسمعوا جميل مش كدا؟
ألوان من الأصوات ونغمات كثيرة متغيرة
عشان زي ما إنتو عارفين دول ما بيدقوش من نفسهم
- فعلًا؟
- لا طبعًا يا عبيط
فوق هناك، فوق فوق في البرج الظلمة
عايش اللي بيضرب الأجراس
مين المخلوق دا؟
- مين؟
- وبيعمل إيه؟
- إيه؟
- وإيه اللي طلعه فوق هناك؟
- إزاي؟
- هش، كلوبان هيقولكم على حكاية
حكاية الإنسان والوحش
تبدأ حكايتنا على مرسى قريب من نوتردام
عيلة غجرية خايفة بتتسحّب وتقرب من نوتردام
بس الفخ كان منصوب مستنيهم
وملاهم الخوف يا حرام
من عين بتقيد من قلب زي الحديد
كما الأجراس
- القاضي كلود فرولو!
أجراس نوتردام
فرولو القاضي قال: "رسالتي أطهّر الحياة
من الدنس ومن الخطيئة" وما بصش جواه
- هاتولي الغجر دول على قصر العدالة
- إنتِ! مخبية إيه؟
- حاجات مسروقة طبعًا
- خذوها منها!
دي جريت
- عايزين ملجأ! من فضلك، عايزين ملجأ!
- إيه طفل! وحش!
- قف! صاح الأسقف
- دا شيطان مش مقدس وأنا حبعته جهنم وهوَ دا مكانه
- بإيدك رميت الدماء البريئة على سلم نوتردام
- أنا مش مذنب! جريت وأنا لحقتها
- عاوز تزوّد بدمه الخطيئة على سلم نوتردام
- ضميري مستريّح
- لو حتكذب على نفسك وعلينا
لو تقول إن ضميرك في سلام
مش هتهرب أبدًا من ذنبك وتخبي الحقيقة
أبدًا عن عيون نوتردام
فرولو لأول مرة يسيب القوة والجبروت
فرولو برّق بعينه خاف من رهبة الملكوت
- أعمل إيه دلوقتي؟
- خلّي بالك من الطفل، وربّيه كأنه ابنك
- إيه؟ أتكتّف بالمشوه دا؟
عال قوي، بس خليه يعيش معاك في كنيستك
- يعيش هنا؟ فين؟
- في أي مكان
يعيش بعيد ويموت بعيد وما تشوفوش الناس
يمكن برج الأجراس، مين عارف ربنا كاتب له إيه؟
ومش بعيد إني أستفيد عندي إحساس أكيد، أكيد أكيد
فرولو بعد كدا إدّا اسم بشع للطفل دا
اسم معناه المشوّه، كوازيمودو
دلوقتي الفزورة كلماتها محفورة
على أجراس نوتردام
مين كان الوحش؟ ومين كان إنسان؟
ويا أجراس أجراس أجراس أجراس
أجراس نوتردام
غناء : ياسر شعبان - عصام سيف - عزت أبو عوف
كلمات : أمين حداد
إخراج الغناء : جيهان الناصر
Comments